NOVEMBER - 2025

ನಮ್ಮ ಶಾಲೆಯಲ್ಲಿ ಕನ್ನಡ ರಾಜ್ಯೋತ್ಸವದ ಸ್ಪರ್ಧೆಗಳನ್ನು ಹರ್ಷೋಲ್ಲಾಸದಿಂದ ಆಚರಿಸಲಾಯಿತು. ಕನ್ನಡದ ಸುವಾಸನೆ ತುಂಬಿದ ಈ ಸಂಭ್ರಮದಲ್ಲಿ ವಿದ್ಯಾರ್ಥಿಗಳ ಪ್ರತಿಭೆಯನ್ನು ಅರಳಿಸಲು ವಿವಿಧ ಸ್ಪರ್ಧೆಗಳು ಆಯೋಜಿಸಲಾಯಿತು. ಕವನ ರಚನೆ, ಚಿತ್ರಲೇಖನ ಮತ್ತು ಸಮೂಹ ಗಾನ ಸ್ಪರ್ಧೆಗಳು ರಾಜ್ಯೋತ್ಸವದ ಸಂಭ್ರಮಕ್ಕೆ ಕಂಗೊಳ ನೀಡಿದವು.

ವಿದ್ಯಾರ್ಥಿಗಳು ಕವನಗಳಲ್ಲಿ ತಮ್ಮ ಭಾವನೆಗಳನ್ನು ಚೆಲ್ಲಿದರು, ಚಿತ್ರಗಳಲ್ಲಿ ಕನ್ನಡದ ಸೌಂದರ್ಯವನ್ನು ಚಿತ್ರಿಸಿದರು, ಮತ್ತು ಹಾಡುಗಳಲ್ಲಿ ತಮ್ಮ ಶ್ರುತಿಯ ಮೂಲಕ ಕನ್ನಡದ ಗೌರವವನ್ನು ಸಾರಿದರು. ಪ್ರತಿಯೊಂದು ಸ್ಪರ್ಧೆಯೂ ಕನ್ನಡದ ಪರಿಮಳದಿಂದ ತುಂಬಿ ತುಳುಕಿತು.

ಈ ಕಾರ್ಯಕ್ರಮಗಳು ವಿದ್ಯಾರ್ಥಿಗಳಲ್ಲಿ ಆತ್ಮವಿಶ್ವಾಸ, ಸೃಜನಶೀಲತೆ ಮತ್ತು ಭಾಷಾ ಪ್ರೇಮವನ್ನು ಬೆಳೆಸಿದವು. ರಾಜ್ಯೋತ್ಸವದ ಈ ಆಚರಣೆ ಕನ್ನಡ ಸಂಸ್ಕೃತಿಯ ವೈಭವವನ್ನು ಮತ್ತೊಮ್ಮೆ ನೆನಪಿಸಿದ ಹಬ್ಬವಾಗಿ ಪರಿಣಮಿಸಿತು.

ಒಟ್ಟಾರೆ, ಕಾರ್ಯಕ್ರಮ ಅತ್ಯಂತ ಯಶಸ್ವಿಯಾಗಿ ನೆರವೇರಿತು ಮತ್ತು "ಸಿರಿಗನ್ನಡಂ ಗೆಲ್ಲೆ, ಸಿರಿಕನ್ನಡಗಂ ಬಾಳೆ'' ಎಂಬ ಘೋಷವಾಕ್ಯವನ್ನು ಜೀವಂತಗೊಳಿಸಿತು.

ನಮ್ಮ ಶಾಲೆಯ ನವೆಂಬರ್ ೧ ರಂದು ಕನ್ನಡ ರಾಜ್ಯೋತ್ಸವವನ್ನು ಅತ್ಯಂತ ವಿಜೃಂಭಣೆಯಿಂದ ಆಚರಿಸಲಾಯಿತು. ಈ ಸಂದರ್ಭ ಪೂಜ್ಯ ಸ್ವಾಮೀಜಿಗಳಾದ ಸ್ವಾಮಿ ವಿಷುಮಾಯಾನಂದಜಿ, ಸ್ವಾಮಿ ಮಹಾವಾಕ್ಯಾನಂದಜಿ ಮಹಾರಾಜ್ ಹಾಗೂ ಸ್ವಾಮಿ ಶಿವಕಾಂತನಂದಜಿ ಮಹಾರಾಜ್ ಉಪಸಿತರಿದ್ದರು. ಪೂಜ್ಯ ಸ್ವಾಮೀಜಿಗಳಿಂದ ನಾಡಧ್ವಜಾರೋಹಣ ನಡೆಯಿತು. 

ಕಾಯಕ್ರಮದ ಬಳಿಕ ಸ್ವಾಮಿ ಶಿವಕಾಂತನಂದಜಿ ಮಹಾರಾಜ್ ಮಕ್ಕಳನ್ನು ಹಾಗೂ ಶಿಕ್ಷಕರನ್ನು ಉದ್ದೇಶಿಸಿ ಪ್ರೇರಣಾದಾಯಕವಾಗಿ ಮಾತನಾಡಿ ಕನ್ನಡದ ಮಹತ್ವವನ್ನು ವಿವರಿಸಿದರು. ಕನ್ನಡ ರಾಜ್ಯೋತ್ಸವದ ಅಂಗವಾಗಿ ನಡೆದ ಕವನ ರಚನೆ, ಚಿತ್ರಕಲೆ, ಸಮೂಹಗಾನ ಮುಂತಾದ ಸ್ಪರ್ದೆಗಳ ವಿಜೇತರಾದ ವಿದ್ಯಾರ್ಥಿಗಳಿಗೆ ಪ್ರಶಸ್ತಿಗಳನ್ನು ವಿತರಿಸಲಾಯಿತು. 

ಅಂತಿಮವಾಗಿ ೫ ರಿಂದ ೧೦ ನೇ ತರಗತಿಯ ವಿದ್ಯಾರ್ಥಿಗಳು ವಿವಿಧ ಸಾಂಸ್ಕೃತಿಕ ಕಾಯಕ್ರಮಗಳನ್ನು ಪ್ರದರ್ಶಿಸಿ ಕಾಯಕ್ರಮಕ್ಕೆ ಸೊಬಗು ತಂದರು. ಸಂಪೂಣ ಕಾಯಕ್ರಮವು ಹರ್ಷೋದ್ಗಾರದ ವಾತಾವರಣದಲ್ಲಿ ಯಶಸ್ವಿಯಾಗಿ ನೆರವೇರಿತು.